“Дарханы хөгжил -2016” олон улсын эдийн засгийн форумд оролцож “Хөрөнгө оруулалтын орчин түүнийг сайжруулах арга зам” сэдвээр илтгэл тавьлаа.
Дархан-Уул аймгийн давуу талуудыг тодорхойлж, түүнийгээ эрэмбэлэн, оноогоор дүгнэсэн бөгөөд бизнесийн эрх зүйн орчныг сайжруулахад анхаарах асуудлуудыг хөндөв.
Дархан хот бол дэд бүтцийн хувьд бусад хотуудтай харьцуулахад хамгийн таатай, хөгжих хамгийн ирээдүйтэй, хамгийн их боломжтой хот. Монгол орны өнцөг булан бүрээс ирсэн бүтээлч, авьяаслаг, хөдөлмөрч хүмүүсээс бүрдсэн энэ хотын хүмүүст энэ аймагт хөгжлийн ирээдүй, маш том давуу тал байна. Энэ бүхнийгээ, дэд бүтэц, газар зүйн байрлал, хүн амын бүтцийн онцлогоо ашиглаад бага улс төржиж их ажил хийх хэрэгтэй. Ямар нэг байдлаар нам, аймаг, хүйсээр ялгаварлан гадуурхалт явагдсан газрын хөгжил удааширдаг, бүр цаашлаад хөгжлийг гацаадаг. Тийм учраас аймгаа нэг том айл гэж бодож хамтарч ажиллах хэрэгтэй. Иргэдийнхээ дуу хоолойг аливаа шийдвэр гаргахдаа, ажил хийхдээ заавал сонсдог, саналыг нь тусгадаг үлгэр жишээ аймаг болох бүрэн боломжтой. Ингэж чадах юм бол Дархан-Уул аймаг хамгийн хурдацтай хөгжсөн аймаг, хотоор тодрох ирээдүй харагдаж байна.
